యజ్ఞాంగి యజ్ఞఫలదుఁడు

యజ్ఞాంగి యజ్ఞఫలదుఁడు
యజ్ఞేశుఁడు యజ్ఞకర్త యగు భగవంతున్
యజ్ఞపురుషుఁగా మానస
యజ్ఞముఁ గావించితిం ద దర్పణ బుద్ధిన్. 

విశ్వాత్ముండు విశ్వేశుడు విశ్వమయుం డఖిలనేత విష్ణుండజుడీ
విశ్వములోదా నుండును విశ్వము దనలోనజాల వెలుగుచు నుండన్


పోతన కవీంద్రుడు, ఆంధ్ర మహాభాగవతము

శ్రీపతియు యజ్ణపతియు

శ్రీపతియు యజ్ణపతియు బ్రజాపతియున్ బుద్ధిపతియు జగదధిపతియున్
భూపతియు యాదవశ్రే ణీపతియుం గతియునైన నిపుణు భజియింతున్


పోతన కవీంద్రుడు, ఆంధ్ర మహాభాగవతము 

హరిమయము విశ్వమంతయు

హరిమయము విశ్వమంతయు
హరి విశ్వమయుండు సంశయము పనిలేదా
హరిమయము గాని ద్రవ్యము
పరమాణువు లేదు వంశపావన వింటే

పోతన కవీంద్రుడు, ఆంధ్ర మహాభాగవతము

గిరులం బోలెడి

క. గిరులం బోలెడి కరులను హరులం దన ప్రాణదయితలై | మనియెడి సుం

దరులను హిత నరులను బుధ, వరులను వర్జించి గాఢ | వైరాగ్యమునన్. 

క. గోవిందనామ కీర్తనఁ గావించి భయంబు దక్కి | ఖట్వాంగ ధరి

త్రీ విభుఁడు సూఱగొనియెను, గైవల్యము దొల్లి రెండు | గడియల లోనన్.

పోతన కవీంద్రుడు, ఆంధ్ర మహాభాగవతము

హరికిన్ బట్టపుదేవి

“ హరికిన్ బట్టపుదేవి,పున్నెముల ప్రోవర్ధంపు పెన్నిక్క, చం
దురు తోబుట్టువు భారతీగిరి సుతల్ తో నాడు పూబోణి తా
మర లందుండెడి ముద్దరాలు,ఝగముల్ మన్నించు నిల్లాలు,భా
సురతన్ లేములవాపు తల్లి సిరి యిచ్చున్ నిత్య కళ్యాణమున్.”

పోతన కవంద్రుడు, అంధ్రమహాభాగవతము

అమ్మల గన్నయమ్మ

అమ్మలఁ గన్నయమ్మ, ముగురమ్మలమూలపుటమ్మ, చాలఁ బె
ద్దమ్మ, సురారులమ్మ కడు పాఱడి వుచ్చిన యమ్మ, తన్ను లో
నమ్మిన వేల్పుటమ్మల మనమ్ముల నుండెడి యమ్మ, దుర్గ, మా
యమ్మ, కృపాబ్ధి యిచ్చుత మహత్త్వకవిత్వ పటుత్వ సంపదల్

పోతన కవీంద్రుడు, ఆంధ్రమహాభాగవతము